Áittardeaddji bargu

Ovttaveardásašvuođaáittardeaddji lea iehčanas ja sorjjasmeahttun eiseváldi, gean bargu lea ovddidit ovttaveardásašvuođa ja darvánit vealaheapmái. Ovttaveardásašvuođaáittardeaddji doaibmá maiddái Suoma našuvnnalaš olmmošgávperaporterejeaddjin ja goziha riikkas eretgohččuma ollašuhttima. Áittardeaddji bargu lea maiddái čuovvut ja ovddidit olgoriikkalaččaid sajádaga ja vuoigatvuođaid. Ovttaveardásašvuođaáittardeaddji doaibmasuorgi lea viiddis. Iešguđet bargguid ovttastahttet vuođđo- ja olmmošvuoigatvuođaid goziheapmi ja ovddideapmi. 

Ovttaveardásašvuođaáittardeaddjin doaibmá Kristina Stenman. Son álggahii virggis 1.8.2020. Stáhtaráđđi nammada ovttaveardásašvuođaáittardeaddji eanemustá viđa jahkái hávális. Áittardeaddji barggut ja vuoigatvuođat leat girjejuvvon ovttaveardásašvuođaláhkii ja láhkii ovttaveardásašvuođaáittardeaddjis

Ovttaveardásašvuođaáittardeaddji Kristina Stenman

Kristina Stenman doaibmá ovttaveardásašvuođaáittardeaddjin. Son álggahii virggis 1.8.2020.

Kristina Stenman riegádii guovttegielat Kristina Stenman bearrašii Helssegis 1962. Stenman lea studeren vuoigatvuođadiehtagiid, eaŋgalasgiela ja kulturantropologiija Helssega universitehtas. Dalle son doaimmai moadde jagi maiddái Helssega universitehta studeantagotti (HYY) stivrras, earenoamážit HYY riikkaidgaskasaš doaimmaid ja olmmošvuoigatvuođaáššiid olis.

Stenman válbmanii vuoigatvuođadiehtagiid kandidáhtan jagi 1991. Dalle son lei juo álggahan bargguid Pakolaisneuvonta (Báhtareaddjirávven) rs:s, mas son jotkkii juristan ja das maŋŋá doaimmajođiheaddjin gitta jagi 2006 rádjái. Das sus ledje moadde bottu váhnenfriddjavuođaperioda ja spesiálaáššedovdibarggu dihte. Dán maŋŋel son barggai dutkin Åbo Akademiija olmmošvuoigatvuođainstituhtas ja veahkehii professor Martin Schein dán barggus ON olmmošvuoigatvuođadoaibmagotti spesiálaraporterejeaddjin. Jagiid 2007-2010 son barggai Vaasa veahkkegávpotjođiheaddjin, ja sisministeriijas ja bargo- ja ealáhusministeriijas sisafárrenjođiheaddjin 2011-2016. Son lei lassin riikkaidgaskasaš olmmošvuoigatvuođaáššiid ráđđádallangotti sátnejođiheaddji 1996-2003, ja várresátnejođiheaddji gitta jagi 2007 rádjái,  ja jagiid 2011-2016 etnalaš gaskavuođaid ráđđádallangotti lahttu ja bargováljagotti sátnejođiheaddji.
Ovdal go son sirdásii ovttaveardásašvuođaáittardeaddjin, son doaimmai Pietarsaari gávpotjođiheaddjin jagiid 2016-2020.

Kristina Stenman lea náittoslihtus ja sus leat guokte máná, geat leaba juo rávesolbmot. Son válmmaštallá maiddái vuoigatvuođahistorjjá nákkosgirjji Helssega universitehtas. Dan fáddá lea báhtareaddjivuoigatvuođa ovdáneapmi Davviriikkain.