Olmmošgávperaporterejeaddji bargu

Ovttaveardásašvuođaáittardeaddji doaibmá Suoma našuvnnalaš olmmošgávperaporterejeaddjin. Olmmošgávperaporterejeaddji bargu lea dárkkodit iehčanas ja sorjjasmeahttun oassebeallin olmmošgávppi vuostásaš barggu, mii dahkkojuvvo Suomas. Raporterejeaddji barggu mihttomearri lea ovddidit, ahte olmmošgávppi gillájeaddjit dovdájuvvojit, sii ožžot veahki ja sin vuoigatvuođat ollašuvvet. Raporterejeaddji atná dehálažžan, ahte rihkusovddasvástádus ollašuvvá ja olmmošgávpi eastaduvvo ráhkaduslaš doaimmaiguin.

Olmmošgávperaporterejeaddji bargu ja doaibmaváldi leat girjejuvvon láhkii ovttaveardásašvuođaáittardeaddjis. Lága mielde raporterejeaddji bargu lea čuovvut olmmošgávpái laktáseaddji fenomenaid [tähän tulee linkki mitä ihmiskauppa on sivulle], ja riikkaidgaskasaš geatnegasvuođaid ollašuvvama ja našuvnnalaš láhkaásaheami doaibmama. Áittardeaddji ovdamearkka dihte ollašuhttá čilgehusaid olmmošgávppis ja dasa laktáseaddji fenomenain. Áittardeaddji sáhttá addit maiddái vuoigatvuođalaš rávvema ja spiehkkaseaddji diliin áittardeaddji lea sáhttán veahkehit olmmošgávppi gillájeddjiid rievttis.

Áittardeaddjis lea viiddes dieđuoažžunvuoigatvuohta, mii dahká vejolažžan oažžut dieđuid ovdamearkka dihte suollemassan dollojuvvon duomuin. Dát lea dehálaš, vai áittardeaddji sáhttá árvvoštallat, mot riikkaidgaskasaš olmmošgávpái guoski soahpamušat čuvvojuvvojit ja mot našuvnnalaš láhkaásaheapmi vástida olmmošgávppi hástalusaide. 

Olmmošgávperaporterejeaddji nammaduvvui jagi 2009

Našuvnnalaš olmmošgávperaporterejeaddji ásahuvvui čuovvut olmmošgávppi ja dasa laktáseaddji fenomenaid jagi 2009. Raporterenbarggu duogážis lei jurdda das, ahte olmmošgávppi vuostásaš doaibman ávkašuvašii olggobeale čuovvumis ja árvvoštallamis ja analysii vuođđuduvvi ovddidanevttohusain. 

Raporterejeaddji jurddašuvvui maid sáhttit buktit olmmošgávpeášši politihkalaš ja almmolaš ságastallama ollái, man árvaledje ovddidit barggu olmmošgávppi vuostá. Dán raporterejeaddji lea bargan jagiid mielde earret eará almmustahttimiin čilgehusaid ja dutkamušaid ja addimiin ávžžuhusaid, maid geažil áššit lea ovdánan iešguđet eiseválddiid olmmošgávppi vuostásaš barggus.