Ovttaveardásašvuohta

Vuoiggalaš servodagas olbmui laktáseaddji áššit, degomat lámisvuohta, seksuála orientašuvdna dahje liikeivdni eai oččoše váikkuhit olbmuid vejolašvuođaide beassat skuvlejupmái, oažžut barggu ja iešguđetlágan bálvalusaid. Vuođđovuoigatvuođat gullet buohkaide.

Ovttaveardásašvuohta mearkkaša dan, ahte buot olbmot leat seammaárvosaččat sorjjakeahttá sin agis, etnalaš dahje našuvnnalaš riegádanduogážis, riikkavulošvuođas, gielas, oskkus dahje nana jáhkus, oaivilis, lámisvuođas, dearvvašvuođadilis, seksuála orientašuvnnas, sohkabealis, sohkabealleidentitehtas, sohkabeali čájeheamis dahje olbmui laktáseaddji eará siva geažil.

Suoma vuođđolágas ovttaveardásašvuođa prinsihppa čujuhusa sihke vealaheami gildosii ja olbmuid ovttaveardásašvuhtii lága ovddas. Ovttaveardásašvuođaláhka, rihkusláhka, dásseárvoláhka ja bargoláhkaásaheapmi dárkkálmahttet vealaheami gildosa iešguđet eallinsurggiin.

Duođalaš ovttaveardásašvuohta gáibida aktiivvalaš ovddideami

Olbmuid vuolggasajit ja vejolašvuođat servodagas leat iešguđetláganat. Buohkaid seammalágan meannudeapmi ii álot reahkká dáhkidit ovttaveardásašvuođa ollašuvvama. Duođalaš ovttaveardásašvuođa ollašuhttin eaktudage, ahte vealaheapmái vuođđuduvvi sierraárvosašvuođa vigget aktiivvalaččat jávkadit, ovdamearkka dihte iešguđetlágan ovddidandoaibmabijuiguin, masa gullá maiddái positiivvalaš sierrameannudeapmi. Duođalaš ovttaveardásašvuohta sáhttá eaktudit maiddái eahpenjuolga vealaheapmái seahkáneami. Vaikko buohkaid guovdu meannuduvvošii seammá ládje, seammalágan meannudeapmi sáhttá vealahit eahpenjuolga dihto olbmuid. Buohkaid seammalágán meannudeapmi ii nappo dáhkit dan, ahte vealaheapmi ii leat iige dat dáhkit ovttaveardásašvuođa ollašuvvama.

Duođalaš ovttaveardásašvuođa juksan sáhttá nappo eaktudit ovdamearkka dihte positiivvalaš sierrameannudeami dahje lámisolbmuid buohta govttolaš vuogáiduhttimiid ollašuhttima [linkki vammaisten henkilöiden oikeudet]. Duođalaš ovttaveardásašvuođa vigget juksat maiddái ovttaveardásašvuođalágas dihto doibmiide ásahuvvon geatnegasvuođain ovddidit ovttaveardásašvuođa.