Rávvagat oktavuođaváldimii 

Leatgo vásihan vealaheami? Sáhtát váldit oktavuođa ovttaveardásašvuođaáittardeaddjái deavdimiin oktavuođaváldinskovi, telefovnnain, šleađgapoasttain dahje reivviin.

Doaimmahaga bargogielat leat suoma-, ruoŧa- ja eaŋgalasgiella. Sáhtát váldit čálalaččat oktavuođa maiddái eará gillii. Mii sávvat, ahte oktavuođaváldimis livčče eanemustá guokte siiddu.

Oktavuođaváldimisttát galggašedje leat vástádusat čuovvovaš jearaldagaide:

  • Gos ja goas dovddat leat vealahuvvon?
  • Gii meannudii du guovdu vealahemiin?
  • Mot du guovdu meannuduvvui mielastat vealahemiin?
  • Leatgo dáhpáhusas duođašteaddjit dahje čálalaš materiála? 
  • Leatgo dolvon ášši gieđahallan láhkai eará báikái?
  • Guđe eiseváldi gieđahallá /lea gieđahallan áššát? (omd. riikkabeivviid vuoigatvuođaáššeolmmoš, boles, hálddahusriekti)

Oktavuođaváldimii galggašii laktit lassin kopiijaid áššái guoski mearrádusain dahje eará áššegirjjiin.

Dorvopoastta sádden

Háliidettiinat sáhtát sáddet midjiide rašesfáttát ja suollemassan dollojuvvon sáttasániid dorvopoastan. Bálvalusa sáhttá geavahit nuvttá, álkit ja dorvvolaččat.

Registrere iežat dorvopoastta geavaheaddjin dáppe (turvaviesti.om.fi). Deaddil rabas nannenliŋkka, mii lea almmustuvvan du almmuhan šleađgapoastačujuhussii. Sáhtát dál sáddet dorvopoastta ja lasihit sáttasátnásat dokumeanttaid ja mildosiid (sturrodat eanemustá 150 mt. Fiilla sáhttá maid páhkket.) Oaččut šleađgapoastasat nannenalmmuhusa, go dorvopoastta sádden lea lihkostuvvan.

Loga dás dárkilis rávvagiid oktan govaiguin dorvopoastta sáddemis (PDF).