Veahkki ovttaveardásašvuođaáittardeaddjis 

Ovttaveardásašvuođaáittardeaddji viggá resurssaidis olis veahkehit oktavuođaváldiid buoremus lági mielde. Juos áittardeaddji ii ieš álggat doaibmabijuid áššistat, áššehasbálvalus sáhttá rávvet, gos oktavuođaváldi sáhttá oažžut veahki. Vásáhus eahpevuoiggalaš meannudeamis ii álot leat vealaheapmi. Áittardeaddji ii maiddái sáhte gomihit eará eiseválddiid dahkan mearrádusaid. 

Ovttaveardásašvuođaáittardeaddjis lea lága mielde vuoigatvuohta vihkkedallat, guđe doaibmabijuid áittardeaddji oktavuođaváldima vuođul álggaha. Áittardeaddji mihttomearri lea, ahte ovttaveardásašvuohta ollašuvvá Suomas viidáseamos lági mielde ja nu máŋgasiidda go vejolaš. Ovttaveardásašvuođaáittardeaddji oažžu badjel 1000 oktavuođaváldima jagis. Dáid oktavuođaváldimiidda vástidettiinis áittardeaddji čujuha resurssaidis earenoamážit prinsihpalaččat mearkkašahtti dáhpáhusaide, maid čoavdimis sáhttá leat mearkkašupmi maid earáide, geat leat seamma sullasaš dilis dahje vealaheami ovddalgihtii eastadeamis. 

Ovttaveardásašvuođaáittardeaddji doaimmahagas láidestuvvo dárbbu mielde eará, doaibmaválddálaš ja vuogálaš eiseváldái.